மறைந்த பின்பு அழுவதை விட வாழும்போது நேசியுங்கள் !!!

இங்கே முக்கால்வாசி பேர் ஒருவர் அருகில் இருக்கும் போதோ,உயிருடன் இருக்கும்போதோ கோபம், ஈகோ போன்ற பல்வேறு காரணிகளால் நம் அன்பிற்குரியவரை கண்டுகொள்ளாமல் பேசாமல் கடந்து சென்று கொண்டே இருக்கிறோம். சரி தான் அனைத்தையும் தாண்டி ஏதோ ஒன்று நம்மை தடுக்கிறது ஆனால் அனைத்தையும் தகர்த்தெறிந்து 5 4 3  2 1 என எண்ணிவிட்டு நேராக சென்று  பேசிவிடுங்கள்,அழுது விடுங்கள், அணைத்து விடுங்கள்.

நன்றாக இருக்கும் போது ஒரு வார்த்தை கூட பேசாமல் இருந்துவிட்டு ,உடல் நிலையில் சரியில்லாத போது ,எழுந்து நடக்க,பேச முடியாத நிலையில் இருக்கும்போது எங்கிருந்து தான் உணர்ச்சி நமக்கெல்லாம் பெருக்கெடுத்து வருகிறதோ தெரியவில்லை. அப்போதாவது வருகிறதே 😏 அப்போதும் கல் நெஞ்சை சுமந்து நடமாடினால் நாம் நடை பிணம் தான்.

சில  சூழ்நிலைகள் இதை ஆழமாக உணர வைக்கும்.

ஒருவர் உயிரோடு இருக்கும்போதே பேசுங்கள்,அவர்கள் பேசுவதை கேளுங்கள்,பாராட்டுங்கள்,கொண்டாடுங்கள் அவர்கள் உங்களோடு இருப்பதை உணருங்கள் எதிரில் இருப்பவர் எவ்வளவு விடாப்பிடியாக இருந்தாலும் நம் மேல் தவறே இல்லையென்றாலும் அவர் நமக்கு வேண்டுமெனில்,அவருக்கு நாம் வேண்டுமெனில் அனைத்தையும் உதறிவிட்டு பேசுங்கள் ஒரே நொடியில் எல்லாம் சுக்கு நூறாக உடைந்துவிடும். ஏன் நாம் இத்தனை நாள் இந்த உறவிடமிருந்து விலகி இருந்தோம் என நம் மனதே நம்மை தண்டிக்க தோன்றும்.

இவ்வுலகில் நீங்கள் நேசிக்கும் நபர் இல்லையெனில் அது நரக வேதனை தான்,நாம் தொடர்பில் இருந்தாலும் பரவாயில்லை,இல்லையெனில் "ச்சே  இவ்வளவு நாள் மிஸ் பண்ணிட்டோமே, நாம் இப்படி பேசி இருக்கக் கூடாது,நாம கூட இருந்திருந்தால் இப்படி ஆகிருக்காதுன்னு எவ்வளவு கதறினாலும் பிரயோஜனம் இல்லை "

மறந்த பின்பு அழுவதை விட

வாழும்போது நேசிப்போம் !!

 - அசோக் குமார் சுதர்சனம்

#tamilblogger #tamilwriters #TamilArticles #love #sorry #blogger #akwriteஸ்