மனிதம் மடிந்து கொண்டிருக்கிறதா,மலர்ந்து கொண்டிருக்கிறதா? இப்புவி அனைத்து உயிர்களுக்குமானது தானே!!!

கடந்த வாரம் இரவு 10 மணி இருக்கும்  வீட்டிற்கு அருகே  வண்டியில் அமர்ந்துகொண்டு நானும் என் நட்பும் பேசிக்கொண்டு இருந்தோம்.

திடீர்னு டமால்னு சத்தம் சரி என்னனு மெயின் ரோட்டிற்கு சென்று பார்த்தால் நாய்கள்  குலைத்துக் கொண்டு மாட்டை துரத்திக்கொண்டிருந்தது போல, மாடு சாலை பக்கம் ஓட அந்த நேரம் பார்த்து வேகமா வந்த கார் மாட்டின் வலது பக்கத்தில் ஒரே இடி கார் கண்ணாடி,bonnet எல்லாம் சப்பை ஆகி விட மாடு வலியில் துடித்து நடுரோட்டில் சென்று ஆடி அசைந்து நின்றது.

கார் ட்ரைவர் வந்த வேகமும் அதிகம் தான், சரக்கா என்னனு தெரியல,நாய்கள் துரத்தி மாடு சாலையில் ஓடியதால் இடித்தாரா என தெரியவில்லை  இதில் யாரை குத்தம் சொல்வது!!! அவர் ஒரு நிமிடம் வெளிய வந்து காருக்கு என்ன ஆச்சுன்னு செக் பண்ணிட்டு நாங்க வந்ததை பார்த்துட்டு எஸ்கேப் ஆகிட்டாரு.

மாடு சாலையின் நடுவில் நின்று கொண்டிருந்தது அதனால் சிறிதும் நகர முடியவில்லை திடீரென இரு காவலர்கள் வர என்னாச்சனு கேக்க, நாங்களும் சாலையில் வசிக்கும் ஒரு பெரியவரும் சொல்ல

அவரு தனக்கு தோன்றிய வசனத்தை சொல்லிட்டு டாட்டா காட்டிவிட்டார்..

"ஆமா கண்ட நேரத்துல மாட்டை அவுத்து விட்டுடுவாங்க,ஏன் வீட்டுல கட்டி வச்சா என்னனு சொல்லிட்டு கிளம்பிட்டாங்க"!!!

இப்படி சாலை நடுவில் இருக்கே, மறுபடியும் இதனால் ஏதும் விபத்து நடந்துவிடப் போகிறது என சிறு யோசனையும் இல்லாமல் போய்ட்டாங்க, இதில் காவல்துறை உங்கள் நண்பன்ல..! (சிலரே இப்படி)

பல மக்கள் கண்டும் காணாதது போல் சென்றனர் இருவர் மட்டும் மாட்டை சாலை ஓரத்திற்கு நகர்த்தி செல்ல உதவினர், வரும் வண்டிகளையெல்லாம் சைகை காட்டி ஓரமாக போகச் சொல்லி  மிகவும் சிரமப்பட்டு கட்டையை வைத்து பின்னால் வைத்து சிறுஅழுத்தம் கொடுத்து நகர்த்தி விட்டோம்"..

வீட்டில் வளர்க்கும் மாடு தான் காதில் tag இருந்தது, உதவி செய்த நபர் ஒருவர் மாடு வளர்க்கிறார் போல,  இன்னும் 3 மாசத்துல குட்டி போட்டுடும்னு சொன்னார், ஒரு பக்கம் வயிறு உருண்டையா வீங்கிகிட்டே இருக்கு உடலெல்லாம்  சிறு சிறு கீறல்கள் என்ன  செய்வதென்றே தெரியவில்லை.

தண்ணீர் மற்றும் சில செடிகள் கொடுத்தோம் எதுவும் சாப்பிடவில்லை, பின் மாடு வளர்க்கும் நண்பன்  ஒருவருக்கு கால் செய்தொம் ப்ளூ கிராஸிற்கு தகவல் தெரிவிக்க சொன்னார்..

உடனே நெட்ல இருந்து நம்பர் எடுத்து மெஸ்ஸேஜ் பண்ணினோம் எல்லாம் சொன்னேன் என்ன பிரச்சனை? என்ன இடம்?னு ..

"இது 108 சர்விஸ் மாதிரி இல்லை கொஞ்சம் தாமதமாகும் தகவல் தெரிவித்தமைக்கு நன்றினு சொன்னாங்க, காலைல சாரி எங்களால் ரீச் பண்ண முடியலனு சொல்லிட்டாங்க"..

எங்களுக்கோ எண்ணம் முழுக்க அதன் மேல் தான் மறுநாள் காலை மறுபக்க சாலை ஓரமாக நடந்து கொண்டிருந்தை நண்பன் பார்த்து தகவல் தெரிவித்தான் இப்போது எந்த மாட்டைப் பார்த்தாலும்  அதன் நியாபகம் தான் வருகிறது"..

"இப்போ எங்க இருக்கு என்ன ஆச்சுன்னு தெரியல, ஆனா நல்லா இருக்கணும்".

மனிதம் சாகவில்லை உயிரோடு தான் ,இருக்கிறது என ஒருபக்கம் சொல்லிக்கொண்டிருக்க மறுபக்கம் இறந்துகொண்டிருக்கிறது என்பதை இதுபோன்ற சம்பவங்கள் சொல்லாமல் சொல்லிக்கொண்டே இருக்கிறது.

இது அனைத்து உயிர்களுக்

குமான  புவி, எனக்கென்னனு போகாம முடிந்தளவு நம்மால் செய்ய முடிந்த உதவிகளை செய்துவிட்டு சென்று கொண்டே இருப்போம், இப்புவி அனைத்து உயிர்களுக்கும் தான் மனிதர்களுக்கு மட்டுமல்ல..!..

பயணிப்போம்!!